जापान । चेपाङमा रहेका बालबालिकाको सहयोगार्थ ओसाकामा सांगीतिक कार्यक्रम हुने भएको छ ।
नयाँ वर्ष २०८० को अवसरमा ‘हाम्रो दृष्टि राम्रो दृष्टि जापान’ को आयोजनामा भोली (शुक्रवार) मिनातो कुमिन सेन्टर, बेन्तेन्चोओसाकामा उक्त कार्यक्रम हुन लागेको हो।
कार्यक्रमका लागि नेपाल बाट जापान आएका लोक गायक राजु परियार, गायिका शान्तिश्री परियार, गायक बिक्रम परियार रहास्यकलाकार राजाराजेन्द्र पोखरेलको विशेष प्रस्तुति रहने आयोजक संस्थाका सुशिल ज्ञवालीले जानकारी दिनु भएको छ।
नेपाली कला र संस्कृतिको संरक्षण, संवर्द्धन र विकासका लागि उक्त कार्यक्रम आयोजना गरिएको जनाइएको छ।
कार्यक्रमबाट संकलित रकम मध्येवाट बचत भएको रकम शिक्षा, स्वास्थ्यको समस्या भोगिरहेका चेपाङका बालबालिकालाई सहयोगगरिने सुशिल ज्ञवालीले बताउनु भयो।
‘सामाजिक रुपान्तरणमा युवा अभियान’ भन्ने मुल नाराका साथ आयोजना गरिएको कार्यक्रममा जापानमा रहनुभएका सम्पुर्ण नेपालीकलाप्रेमी समुदायलाई उपस्थित भई दिनका लागि आयोजकले अपिल गरेको जनाएको छ।
