रोल्पाको त्रिवेणी गाउँपालिका ७ मा बेवारिसे बम पड्किँदा चार बालबालिकाको मृत्यु भएको छ ।
जिल्ला प्रहरी कार्यालय रोल्पाका प्रहरी प्रमुख चित्रबहादुर गुरुङले घटनाबारे पुष्टि गरेका छन ।
जिल्ला प्रहरी कार्यालय रोल्पाका प्रहरी प्रमुख डीएसपी चित्रबहादुर गुरुङका अनुसार मृत्यु हुनेमा स्थानीय १४ वर्षीय लोकीराम डागी, ११ वर्षीया बिमला खत्री, ५ वर्षीय विजय खत्री र १३ गौरव नेपाली रहेका छन्।
प्रहरीका अनुसार आज बेलुका ६ बजेतिर बाख्रा चराउन जंगल गएका बालबालिकाले खेलौनाजस्तो वस्तु देखेपछि चलाएका थिए। लगत्तै विष्फोट भएको बताइएको छ।
प्रदेश ५ का प्रहरी प्रमुख डीआईजी रविन्द्र धानुकले प्रहरीको टोली अहिले घटनास्थलमा रहेको र आवश्यक अनुसन्धान भइरहेको बताए।
उनले बम पुरानो हो वा अहिलेको के हो भन्ने विषयमा प्रहरीले अनुसन्धान गरिरहेको बताएका छन्।