काठमाडौं । नेपालमा थप ७२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रायलका सह प्रवक्ता डा. समिर कुमार अधिकारीले थप ७२ जनामा कोरोना संक्रमण पुष्टि भएको जानकारी दिए ।
नेपालमा संक्रमितको संख्या ६ सय ७२ पुगेको छ । स्वास्थ्य मन्त्रालय द्वारा केहीबेर अघि विज्ञप्ति जारी गरी धनुषा, कपिलवस्तु, काठमाडौं, बारा, रौतहट, सप्तरी, बर्दिया, बाँके, दैलेख गरी ९ जिल्लामा संक्रमित थपिएकाे जनाएकाे छ।
राष्ट्रिय जनस्वास्थ्य प्रयोगशालामा गरिएको परीक्षणमा धनुषाका तीन, कपिलवस्तुका तीन, काठमाडौंका तीन, बाराका दुई र रौतहटका २६ जनामा कोरोना संक्रमण पुष्टि भएको हो। स्वास्थ्य तथा जनसंख्या मन्त्रालयका अनुसार संक्रमण देखिएकाहरु स्वास्थ्यकर्मीको सम्पर्कमा रहेका छन् ।
