टोकियो । जापान भ्रमणका क्रममा रहनु भएकी गैर आवासीय नेपाली संघ (एनआरएनए) केन्द्रीय अध्यक्ष रबिना थापा लाई जापानमा स्वागत गरिएको छ।
टोकियोमा गत बुधवार स्वागत तथा भेटघाट कार्यक्रमको आयोजना गरि एनआरएनए जापान र कास्की पोखरा समाज जापानद्वारा संयुक्त रुपमा केन्द्रीय अध्यक्ष थापालाई लाई स्वागत गरिएको हो।
जापानका लागि नेपालका राजदूत दुर्गा बहादुर सुबेदीको मुख्य अतिथि रहेको उक्त कार्यक्रम एनआरएनए जापानका अध्यक्ष शिब प्रसाद पौडेलको अध्यक्षतामा सम्पन्न भएको थियो ।
कार्यक्रममा एनआरएन जापानका अध्यक्ष तथा कास्की पोखरा समाज जापानका पूर्व अध्यक्ष शिब प्रसाद पौडेल, समाजका पूर्व अध्यक्ष बिकास श्रेष्ठ, नेपाली व्यवसायी संघ, जापानका अध्यक्ष बिजेश थकाली, कलाकार ईश्वर गुरुङ्ग लगायतको उपस्थिति रहेको थियो ।
पोखरामा बगैंचा र शौचालय निर्माणकालागि आर्थिक सहयोग
समाजले सो कार्यक्रममा एनआरएनएले निर्माण गर्दै गरेको पोखरा महेन्द्रपुल नजिक ‘बगैचा र शौचालय’ निर्माणमा आर्थिक सहयोग समेत गरेको छ । सम्पूर्ण कस्केलीहरुको तर्फ बाट कास्की पोखरा समाज जापानका अध्यक्ष सन्देश अधिकारीले एक लाख रुपैया हस्तान्तरण गर्नुभएको छ। गैर आवासीय नेपाली संघले कास्कीमा निर्माण गर्ने कार्यमा कास्की पोखरा समाजले हातेमालो गर्न पाउँदा गौरबको अनुभति भएको अधिकारीले बताउनु भयो ।