काठमाडौं । आज राष्ट्रिय जनस्वास्थ्य प्रयोगशाला टेकुमा गरिएको परीक्षणमा थप तीनजनामा कोरोनामा संक्रमण पुष्टि भएको छ। यस संगै नेपालमा कोराोना भाईरसबाट संक्रमित हुनेहरुको संख्या ५७ जना पुगेको छ ।
राष्ट्रिय जनस्वास्थ्य प्रयोगशाला टेकुमा स्वाब परीक्षण गरिंदा बाराका २ जना तथा पर्सामा १ जनामा पोजिटिभ देखिएको स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटाले जानकारी दिनुभयो।
बाराका संक्रमित ३१ र ४३ वर्षका तथा पर्साका संक्रमित ४६ वर्ष उमेरका छन् । उनिहरुको वीरगन्जस्थित नारायणी क्षेत्रीय अस्पतालमा उपचार भैरहेको छ ।
उनिहरु भारतको नयांदिल्लीबाट आएको बताईएको छ । हाल नेपालका बिभिन्न अस्पतालमा ४१ जनाको उपचार भैरहेको छ भने १६ जना निको भई घर फर्केका छन् । नेपालमा हालसम्म पिसिआर बिधिबाट ११ हजार ५ सय २४ जनातथा र्यापीड डाईग्नोष्टिक टेष्ट बिधिबाट ४५ हजार ६ सय ६५ जनाको परीक्षण भैसकैको छ ।
अहिले नेपालमा २२ हजार ९ सय १ जना क्वारेण्टाईनमातथा ८७ जना क्वारेण्टाईनमा रहेका छन् । जसमध्ये ४ जना काठमाडौं उपत्यकामा छन् ।