काठमाडौं । नेपालमा आज थप ५० जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयका अनुसार देशका विभिन्न जिल्लाका थप ५० जनामा कोरोना पोजेटिभ देखिएको हो । मन्त्रालयका प्रवक्ता डा. विकास देवकोटाका अनुसार आज बिहान ३० र दिउसो २० गरी ५० जना संक्रमित थपिएका हुन् ।
यो सहित नेपालमा कोरोना संक्रमितको संख्या नेपालमा ५०७ पुगेको छ । संक्रमितमध्ये नेपालमा हालसम्म ३ जनाको ज्यान गएको छ । उपचारपछि निको हुनेको संख्या ७० पुगेको छ । नेपालमा हालसम्म पिसिआर ४२ हजार ४ सय ८८ जनाको परीक्षण गरिएको छ । २४ घन्टामा ३ हजार ८ सय भन्दा बढीको पिसिआर परीक्षण भएको छ ।