काठमाडौं । नेकपा एमालेको आन्तरिक एकता कायम गर्न गठित कार्यदलको बैठक शुरु भएको छ ।
अर्थमन्त्रालयमा केहीबेर अघि बैठक शुरु भएको हो । पार्टीमा सहमति जुटेको घोषणा गरिने भनिएको शनिबारको बैठक पनि निष्कर्षविहीन बन्न पुगेको थियो ।
आजको बैठक अघि माधव नेपाल पक्षधर वार्ता टोली सदस्यहरु नेपाल निवास जानु भएको थियो । सोही कारण निर्धारित समय भन्दा डेढ घण्टा ढिला बैठक शुरु भएको हो ।
यसअघि वार्ता टोलीले जुटाएको सहमतिको मस्यौदामा हस्ताक्षर गरेर आजै स्थायी कमिटी बैठकमा पेश गर्ने तयारी छ ।
वार्ता टोली सदस्य गोकर्ण विष्टले आजै सहमतिको सुखद खबर आउने प्रतिक्रिया दिनुभएको छ ।
कार्यदलमा सम्पूर्ण छलफल अन्तिम अवस्थामा पुगेको नेताहरुको दाबी छ । आज एकताको घोषणा हुने उहाँको भनाइ छ ।