गृहमन्त्री खाँणलाई पराजित गर्दै रूपन्देही ३ मा राप्रपाका दीपक बोहोरा निर्वाचित

रुपन्देही । रूपन्देही ३ मा राष्ट्रिय प्रजातन्त्र पार्टीका दीपक बोहोरा विजयी हुनु भएको छ ।

उहाँले २६ सय ४२ मतको अन्तरले गृहमन्त्री बालकृष्ण खाँणलाई पराजित गर्नुभएको हो । बोहोराले ३६ हजार ६४८ मत प्राप्त गर्नुभएको छ भने खाँणले ३४ हजार ६ मत पाउनु भयो ।

गृहमन्त्री खाँण पाँचदलीय गठबन्धनबाट नेपाली काँग्रेसका तर्फबाट उम्मेदवार हुनुहुन्थ्यो भने बोहोरा एमाले, राप्रपा र जसपाबीचको तालमेलका साझा उम्मेदवार हुनुहुन्थ्यो ।