फिफा विश्वकप फुटबल अन्तर्गत आज चार खेलहरु हुँदैछन् । पहिलो खेलमा समूह–जी मा रहेको स्वीट्जरल्याण्ड र क्यामरुनबीच प्रतिस्पर्धा हुनेछ । खेल नेपाली समय अनुसार दिउँसो पौने ४ बजे सुरु हुनेछ ।
यस्तै दोस्रो खेलमा समूह–एच को उरुग्वे र दक्षिण कोरियाबीच प्रतिस्पर्धा हुनेछ । खेल साँझ पौने ७ बजे सुरु हुनेछ ।
आजै हुने तेस्रो खेलमा पोर्चुगल र घानाबीच प्रतिस्पर्धा हुनेछ । समूह–एच मा रहेका यी दुई देशको खेल राति पौने १० बजे सुरु हुनेछ ।
आज हुने चौथो खेलमा समूह– जीमा रहेका ब्राजिल र सर्बिया भिड्नेछन् । खेल राति पौने एक बजे सुरु हुनेछ ।