काठमाडौं । नेकपा एमालेको बरिष्ठ नेताको रुपमा रहेका झलनाथ खनालले आफू अब माधव नेपाल अध्यक्ष रहेको पार्टीमा रहने बताएका छन् ।
एमाले विभाजन गरी नेकपा एकीकृत समाजवादी पार्टीको दर्ता प्रक्रिया शुरू भएपछि उनले शुक्रबार सामाजिक सञ्जाल मार्फत आफू नयाँ दर्ता भएको नेपाल कम्युनिस्ट पार्टी (एकीकृत समाजवादी) को साथ र समर्थनमा रहेको जनाएका हुन्।
उनले फेसबुकमार्फत भनेका छन्, ‘भारतको नयाँदिल्ली स्थित एपोलो हस्पिटलमा उपचाररत पूर्व प्रधानमन्त्री झलनाथ खनालज्यू नयाँ दर्ता भएको नेपाल कम्युनिष्ट पार्टी (एकीकृत समाजवादी) को साथ र समर्थनमा रहनुभएको सम्पूर्णमा जानकारी गराउँदछौँ।’
दल दर्ता निवेदनमा खनाललाई वरिष्ठ नेता राखिएको छ। सुरुमा साथ नदिएका एमाले उपाध्यक्ष वामदेव गौतमले बिहीबार आफू नयाँ दलमा जाने बताएका थिए।