चर्चित गायिका टीका शर्मा ‘कोपिला’ले जापानबाट आफ्नो पहिलो तीज गीत ‘माइतिकै हेला ’ सार्वजनिक गरेकी छन् ।
गीतमा टिका शर्माको शब्द र परदेशी गायक भनेर परिचय बनाएका लोकप्रिय सर्जक सूर्य खड्काको सङ्गीत र थेगो रहेको छ । छायाँकन र निर्देशन गोविन्द बिस्टले गर्नु भएको छ । गीतमा माईतीबाट हेला भएकी चेलीको कथालाई देखाईएको छ। टिका शर्मा ‘कोपिला’ को मुख्य अभिनय रहेको भिडियोमा रुप शर्मा, मुना लम्साल, दर्सना गिरि, प्रतीमा आचार्य, आरती आचार्य र रमा सापकोटाले साथ दिनुभएको छ।
बाग्लुङमा जन्मिएर चितवनलाई उच्च शिक्षा र कर्मथलो बनाएकी उहाँ हाल रोजगारीका क्रममा योकोहामा जापानमा रहनु भएकाे छ । सानै देखि स्कूल तथा एफ् एम् रेडियोमा गीत गाउने गरेकी उहाँले स्थानीय तथा राष्ट्रिय प्रतियोगिताहरुमा थुप्रै पुरस्कार तथा अवार्ड पुरस्कार समेत जित्नुभएकाे छ ।
परदेशमा रहे पनि आफ्नो देश र सँस्कृतिको मायाले झन् सताउने गरेकाले मौलिक गीत गाउन चाहना बढेको उहाँले बताउनु भयाे।
‘यस गीतले जनचेतना जगाउन पनि महत्त्वपूर्ण भूमिका खेल्ने कुरामा बिस्वस्त छु’ सङ्गीतकार सूर्य खड्काले भन्नुभयाे । गीतलाई gms music & films च्यानलबाट सार्वजनिक गरिएको हो ।