लोकदोहोरी गीतहरुमा अभिनय गरेर चार्चा कमाएकी मोडल टिका जैसीको ‘मान्दै मान्दैन मन’ सार्वजनिक भएको छ ।
टिका जैसी तथा उमेश मुस्कानको आवाजमा सार्वजनिक भएको उक्त डिजे शैलीको गीतमा मिस्टर आरजेका नामले परिचित राजेन्द्र भट्ट र्यापरले पनि स्वर भर्नुभएको छ । उमेश मुस्कानको शब्द तथा संगीत रहेको उक्त गितमा केशव बडुको संगीत रहेको छ ।
गीतको भिडियोमा नायक पल शाह र मोडल तथा यस गीतकी गायिका टिकाकी बहिनी इन्दिरा जैसीको नृत्य रहेको छ । नृत्य निर्देशक सुनिल क्षेत्रीको निर्देशन रहेको यस गीतको भिडियोमा अर्जुन तिवारीले छायाँकन र मनोेज कार्कीले सम्पादन गर्नुभएको छ ।
विभिन्न गीतहरुमा अभिनय गरेकी टिकाले आफूलाई गित गाउने तिब्र ईच्छाका कारण पहिलो पटक प्रयास गरेको बताउनु हुन्छ । उहाँले गायन क्षेत्रमा पहिलो पटक अनुभव लिएको बताउँदै सम्पुर्ण दर्शक श्रोताहरुलाई हेरेर प्रतिकृया दिनका लागि सामाजिक संजाल मार्फत अनुरोध गर्नुभएको छ । श्रोताको प्रतिकृया राम्रो भएमा आगामी दिनहरुमा मोडलिङ्गका साथसाथै गायन क्षेत्रलाई पनि निरन्तरता दिने उहाँको भनाई छ ।
आफ्नै युट्युव च्यानल मार्फत सार्वजनिक गरिएको उक्त गीत हेरेर साथ दिन र च्यानल सब्सक्राईब गरेर सहयोग गर्नका लागि जैशीले अनुरोध गर्नुभएको छ ।
यस्तो छ गीतको भिडियो