‘चुरिया छ्याई छ्याई’ बोलको तीज गीत सार्वजनिक भएको छ ।
नजिकिँदै गरेको तीजलाई लक्षित गरेर निर्माण गरिएको गीतमा सुशिल ज्ञवाली र सुनिता बुढा क्षेत्रीको स्वर रहेको छ । गायक ज्ञवाली जापानमा रहेर नेपाली गीत संगीतलाई निरन्तरता दिँदै आउनु भएको छ भने गायिका बुढा क्षेत्रीले पछिल्लो समयमा नेपाली गीत संगीतमा राम्रो पहिचान बनाउनु भएको छ ।
लोकप्रिय सर्जक खेम सेञ्चुरीको लय (संगीत) र नेत्र अर्यालको शब्द रहेको मौलिक लोक शैलिको यस गीतमा रुप, सौन्दर्यता, नुत्य कौशलता,साँस्कुतिक चाल चलन र परम्पराको बयान गरिएको छ । पछिल्लो समय तीज गीतमा विकृती आउन थालेको चिन्ता बढिरहेको परिप्रेक्षमा परिवारिक वातावरण नाच्न सुहाउने यस गीतमा भने अश्लीलताको प्रयोग गरिएको छैन ।
चर्चित नृत्य निर्देशक तथा मोडल शंकर बिसीले निर्देशन गरेको भिडियोमा जेम्स बिसी र रिना थापा मगरलाई फिचरिङ गरिएको छ । दुर्गा पौडेलले छायाँकन गर्नुभएको भिडियो नवीन घर्ती मगरले सम्पादन गर्नुभएको छ ।
सुशिल ज्ञवाली युट्युब च्यानल मार्फत् सार्वजनिक भएको गीतको निर्माण पनि गायक सुशिल ज्ञवालीले गर्नुभएको हो ।
हेर्नुहोस् गीतको भिडियो :